تحذير من منتجات الحسن والحسين

ازيكم يا احلى فتوكات .انا اول مرة اكتب موضوع فى الطبخ وربنا يعلم انى كتبته بس علشان أبرأ ذمتى أدام ربنا
انا من بورسعيد وعندنا مؤسسة الحسن والحسين اللى بيعلن عن منتجاتها الشيف شربينى
المؤسسة دى عبارة عن 3سوبر ماركت أنا ساكنة جنب واحد منهم وجنبه المخزن بتاع السوبر ماركت ,اقسم بالله أقذر وأسوأ
سوبر ماركن ممكن تكونى شوفتيه فى حياتك أنضف الف مرة من المخازن بتاعتهم .
غير انى اعرف بنت كانت بتشتغل عندهم قالت لى انهم لما اللحمة بتخلص الصلاحية بتاعتها بيفرموها وكذلك الاجبان السايبة
لما بتقرب صلاحيتها على الانتهاء بيخلطوها ويعملوها منها مش او يطلعوا عليها اسامى جديدة وينزلوا سعرها علشان يخلصوا
منها . صدقونى والله احنا لما بنسمع ان فيه محل اتظبط فيه لحوم منتهية الصلاحية اول حاجة بتخطر فى بالنا انه الحسن والحسين
اللى خلانى أكتب الموضوع ده انى قريت موضوع لآخت هنا قالت انها اشترت كبدة من منتجاتهم وطلعت وحشة ولقت فيها شعر
وانا قلت لها الشعر ده أقل حاجة ممكن تلاقيها فى منتجاتهم. زى ماقلت أنا كتبت الموضوع ده بس علشان أبرأ ذمتى أدام ربنا
اللهم بلغت الله فاشهد